| Europan apirilaren 23tik 29rako astean STEM Discovery Week ospatzen ari da. Ekimen honek Europako proiektu, erakunde eta eskolei gonbidapena luzatzen die Zientzia, Teknologia, Ingeniaritza eta Matematika arloko (STEM) ikasketa eta karrerei garrantzia eman diezaioten. Kanpaina honen leloa “Say yes to STEM” (esan bai STEM-i) da, eta bazkideek STEM jakintzagaiak babesteko duten sostengu irekia eta arduratsua deskribatzen du, eta baita inguruko interes-taldeen arteko elkarlan zabala ere. Hau da Europan STEM Discovery Week burutzen dena. EASO Politeknikoak parte hartu nahi izan du ekimen honetan ikastetxeko gela eta tailerrak Donostialdeko ikastetxeetako haurrentzat ireki. Lehen hezkuntzako azken zikloko eta DBHko lehen mailako 175 ikasle EASO Politeknikora hurbilduko dira bertan eskainiko diren 14 jarduera ezberdinetan parte hartzeko. Ekintzek, zeintzuk alderi praktiko bat izango baitute, EASO Politeknikoan lantzen diren jarduera-arloetan zientziaz, teknologiaz, ingeniaritzaz eta matematikaz egiten den erabilera erakutsiko dute. Tailerrak planteatzerakoan generoaren ikuspegitik izaera barneratzailea emateko ahalegina egingo da.
—|—
