| EASO Politeknikoak STEM Discovery Week 2018-n proposatu dituen jarduerak Scientix-ek sarituak izan dira. Koldo Olaskoagak, ikastetxeko irakaslea eta Scientix enbaxadorea, ordezkatuko du ikastetxea, Scientixek saritutako beste 30ekin eta STEM Alliancek saritutako 17ekin batera, hilaren 23 eta 24an Bruselan egingo den tailerrean. Eskaintza ikastetxeko tailer eta laborategi desberdinetan egiteko 14 jarduerez osatua zegoen. Amara Berri ikastetxe publikoko eta Usandizaga-Peñaflorida-Amarako bigarren hezkuntzako institutuko 150 ikasle baino gehiagoren eta 20 irakasleren parte hartzea jaso zuen, ikastetxeko heziketa zikloetako 50 ikasle baino gehiagoren laguntzarekin batera. Laburpena honi atxikitako irudian agertzen den posterrean ikus daiteke (klik egin pdf formatoan deskargatzeko). Scientix-ek STEM jakintzagaietako (zientziak, teknologia, ingeniaritza eta matematikak) irakasleen, irakaskuntza alorreko ikertzaileen eta irakaskuntzako beste profesionalen arteko lankidetza sustatzen eta babesten du Europa mailan.
—|—
