| Ingurumen hezkuntza eta kontroleko bigarren mailako ikasle talde batek gobernuz kanpoko Garabide erakundearen laguntzarekin eta hauekin etorritako Ameriketako bi indigenekin Eason hitzaldia burutu zuten. Hitzaldi honen helburu nagusia eskolako ikasle eta irakasleen artean hizkuntza eta kultura gutxituen egoeraren inguruko kontzientzia handitzea izan zen. Brasilgo Amazonian bizi den Hunî Kuî nazio indigenako Tui-k eta Kolonbiako mendialdeko Nasa herri indigenako Cristinak beraien esperientzia kontatu ziguten. Areto nagusira bildu ziren 120 pertsonak hizkuntza eta kultura errealitate desberdinak zuzenean ezagutzeko aukera bikaina izan zuten.
—|—
