Irailean, Hezkuntza eta Lanbide Heziketako Ministerioak bigarren deialdia egin zuen Lanbide Heziketako Bikaintasun Zentroen beste talde bat izendatzeko. LHko Sailburuordetzaren erabakiz, Easo Politeknikoak deialdi horretan parte hartu zuen gizarte-ekonomiaren eta zainketen sektorean.
Behar ziren balorazioak egin ondoren, azaroaren 24an Ministerioak Bikaintasuneko Zentroen Sarean integratuko diren 21 ikastetxe izendatu zituen eta pozik ikusi genuen Easo Politeknikoa horietako bat dela. Ikastetxearen ahalegina eta lana saritzen duen aitorpen handia da, eta horrek esan nahi du datozen bi urteetan Easo Politeknikoak berrikuntza-proiektuetan eta irakasleen prestakuntzan lan egingo duela erreferentziazko sektorean. Horretarako, milioi bat euroko esleipena izango du lehen urtean eta beste milioi erdi bat bigarrenean.
