Ingurumen Hezkuntza eta Kontrol zikloko 2. mailako ikasleek ingurumenarekin lotutako Naturberri aldizkariaren 6.zkia argitaratu dute.
Aldizkari honekin, dibulgazio polifazetikorako gune bat sortu nahi dute, irakurleen interesa eta kontzientzia piztuko dituena.
Aldizkari honek zikloak iraun duen bi ikasturteetan zehar egindako hainbat albiste, erreportaje eta irteera biltzen ditu. Albisteak ez ezik, denbora-pasak, infografiak, aholkuak eta gomendioak ere aurkituko dituzue.
Easo Politeknikoaren webgunean aldizkaria ikusi eta PDF moduan deskargatu ahal izango duzue.
Zikloko bi urte hauetan ikasitakoa eta barneratutakoa transmititu ahal izatea espero dugu, eta naturari buruzko kontzientzia piztu.
