Hara! Aho eta hortzen higienea zikloko gure bigarren mailako ikasleak Usurbilgo Noaua aldizkarian atera dira eskainiko dituzten hitzaldi batzuen berri ematen. Hitzaldi hauen helburua, aho-hortzen osasunaren inguruko informazioa eskaini eta sustatzea da. Horretarako, hiru data aukeratu dituzte, talde desberdinei bideratuta egongo direnak:
* Apirilaren 26an, arratsaldeko 16:00etan, Potxoenean eskainiko dute lehen hitzaldia, interesa duen edozeinentzat zuzendua.
* Maiatzaren 3an, eguerdiko 12:45ean, Usurbilgo Ikastolako HH4 mailako ikasleei zuzendutakoa izango da.
* Maiatzaren 3an, arratsaldeko 18:45ean, Emakumeen Txokoan egongo dira emakumeei zuzendutako hitzaldia eskaintzen.
Informazio gehiago nahi izanez gero, @ahoa.hortza.usurbil instagram kontua jarrai dezakezue. Animatu!
