Urtero lez, Aho eta Hortzen Higienea zikloko lehen mailako ikasleek higienisten jardunaldietan hartu dute parte. Aurtengoan, Barakaldo LH ikastetxeari egokitu zaio jardunaldiak antolatzea eta aukera izan dugu eskaini dituzten hitzaldietan egoteko. Honakoak izan dira:
* “Minbizia, aho-barrunbeko gaixotasunik garrantzitsuena” – Irene Lafuentek eskainia.
* “Hortzetako higienisten zeregina gaixotasun periodontalean” – Francisco Vijandek emana.
* “Ortodontzia prebentiboa hortzetako higienistentzat” – Eider Unamunok eskainia.
Aurkezpen hauei esker, klasean landutako edukiak zabaldu eta kasu errealekin lotu ahal izan dituzte ikasleek. Horretaz gain, Bizkaian zein Araban ikasten ari diren ikasleekin hartuemana izan dute eta zubiak eraikitzeko balio izan die.
Eskerrik asko, hurrengo urtean Easo Politeknikoan ikusiko dugu elkar!
