Gizarteratzea zikloko 2. mailako ikasleak Kera elkarteak antolatutako “topaketa pedagogiko eta feminista emakume ijitoekin” ekitaldian izan dira.
Bertaratutakoentzat bereziki adierazgarria izan da emakume hizlari bakoitzak erakutsi duen ahalduntze-maila. Hainbat ezagutza eta giza balio handiz betetako bizi-esperientziak partekatu dituzte, hala nola elkarri laguntzea, autokonfiantza eta pertseberantzia, bai eta gizarte-konpromiso nabarmena ere.
Horrek guztiak herritarrek, oro har, pertsona horiekiko izan ditzaketen aurreiritziak gainditzen laguntzen du, hain zuzen ere emakume eta ijito izateagatik.
