Easo Politeknikoak 4DBHko ikasleei zuzendutako STEAM orientazio profesionaleko bigarren jardunaldietan parte hartu du, Koro Alkiza Bioteknologia mintegiko irakaslearen bitartez.
Innobasquek antolatutako topaketa horien helburu nagusia 4.DBHko ikasleei prestakuntza-aukeraketan laguntzea da. STEAM lanbideen aniztasuna erakutsiz, gazteen artean bokazioak sortu ditzakegu, beti ere neskengan arreta berezia ipinita, lanbide horiek baztertu ez ditzaten.
Jardunaldia Deustuko Unibertsitateko Donostiako campusean izan zen. Bertan, neska-mutilek STEAM profesionalekin zuzenean hitz egiteko aukera izan zuten haien etorkizuna, zaletasunak eta kezkei buruz. Profesionalei galdera asko egin zizkieten. Jardunaldia topaketa bizkorren dinamikan oinarritu zen, zortzi gaztek eta profesional batek osatutako lan-taldeak sortuta, guztien artean konfiantza-giroa eta komunikazioa sustatuz.
Mota horietako topaketek guztiontzat duten garrantzia azpimarratu nahiko genuke, bai gazteentzat, bai profesionalentzat.
Datorren urtean elkar berriz ikustea espero dugu!
