Iragan den astelehenean, CarT terapian aditua den Dra. Carla Solé ikerlaria izan genuen Easo Politeknikoan. Anatomia Patologikoko, Laborategi Klinikoko eta Zelula-Kultiboetako ikasleei CarT terapia aurreratuen inguruko formakuntza eskaini zien adituak.
CarT terapiak odoleko minbizien aurkako tratamendu eraginkor eta pertsonalizatuak dira, arrakasta handikoak eta epe luzeko albo-kalte nabarmenik eragiten ez dutenak. Terapia aurreratu horretan, pazientearen beraren sistema inmunologikoko zelula batzuk erauzi eta laborategian genetikoki eraldatzen dira, ondoren, gaixoaren odolean berriro txertatuz. Zelula eraldatu horiek gai dira odoleko minbizi-zelulak espezifikoki ezagutu eta horien aurka indartsu jarduteko, minbizi-zelulak suntsitu eta pazientearen osatze-prozesua ahalbidetuz.
Horretan gain, Carla CarT ikerketa-arloaren egungo egoeraz eta etorkizuneko ikergaiez ere aritu zitzaigun, gaiaren inguruko ikuspegi zabala eskainiz. Plazer hutsa da horrelako profesionalen ezagutzatik edatea!
