Easo Politeknikoko hiru irakasle eta hamabi ikasle, Bartzelonan izan dira robotikan, ikusmen artifizialean eta adimen artifizialean espezializatutako formazio batean parte hartzeko.
Universal Robots-en egoitzara egindako bisitan, etxeko hondakinak identifikatu eta sailkatzeko gai den ikusmen artifizialeko kamera bat duen robot batekin elkarrekintzan aritzeko aukera izan zuten. Adimen artifizialeko sistema baten bidez, robotak, modu autonomoan material-mota identifikatu, hondakina hartu eta edukiontzi egokian uzteko gai da.
