Urtarrilaren 24an Lanbide Arriskuen Prebentzioa zikloko ikasleak Fagor-Ederlanek Usurbilen duen lantegian izan ziren.
Bisita guztiz interesgarria izan zen: garrantzi handia ematen diogu ikasleek enpresa-mundua ezagutzeari, eta zer esanik ez, Fundizio batek dituen arrisku anitzak lehen eskutik jaso ahal izateak balio handia du gure arloan. Fagor-Ederlanen, gainera, ikusi ahal izan genuen posible dela prebentzioarekin konprometitzea eta kultura prebentiboa egunero sustatzea, eta horrek emaitzak ematen dituela. Ikasgai ona, laster batean lan-mundura aterako diren gure ikasleentzat.
