Sorginlore Gizarte Elkarteak eta Ikertze Kultur Elkarteak zuzenduta eta Haur hezkuntza eta Gizarteratzea zikloetako ikasleek gidatuta, beste zikloetako hainbat ikasle taldek aukera izan dute “escape street” edo ihes kalea deituriko jolasaren bidez harreman osasuntsuak sustatzeaz jarduteko, erronka txiki, sorpresa eta rol aldaketekin jokatuz, eta oroitzapen dibertigarriak sortuz.
Amarako kaleetan zehar gauzatu dituzten jokoetan hainbat gai landu dituzte modu ludikoan, hala nola plazera, maitasuna, mugak, itxura, kontsentimendua… Parte hartzaileentzat jolasa eta antolatzaileentzat erronka izan den honetan, denek jaso dute bizipen aberasgarria.
