Azken asteotan LK31ko ikasleak arnas aparatua lantzen aritu dira, baina Laborategi Klinikoko graduan uste dugu benetan gorputzak nola funtzionatzen duen ikasteko gorputza bizi behar dela, eta zer da oxigenoa baino garrantzitsuagoa bizitzeko?
Oxigenoak ibilbide luze bat egin behar du gure zeluletaraino iristeko. Disekzioen eta lagin histologikoen lanketaren bitartez ikasi ditugu ibilbide honetarako funtsezkoak diren arnas aparatua, bihotza eta sistema baskularra. Baina, badakizue arnasak ez duela gas trukaketa egiteko soilik balio?
Arnasaren bitartez antsietatea, estresa eta nekea murriztu ditzakegu eta bide batez, gure emozioak orekatu, gure buruarekin konektatzeko ere balio baitu.
Horregatik arnas fisioterapia saio bat ere egin dugu, non besteak beste, arnasa hartzeko zein gihar erabiltzen ditugun ikasi dugun eta baita ere nola moldatu dezakegun gure arnasa aipatutako emozio horiek baretzeko.
Zein ederra den gorputza eta zein ederra den bere lanketa! Gora LK31!
