Lanbide Heziketako Euskoskills lehiaketa burutu zen joan den astean Irungo Ficoban. Giroa bikaina izan da eta parte hartzaileentzat ahaztu ezina izan den esperientzia bat bizi izan dutela baieztatzera ausartuko ginateke.Gure ikastetxeko ordezkaritza hiru ataletan banatu da, Altzarigintzan, Arotzerian eta Arreta soziosanitarioan. Atal hauetan bi txapel irabazi ditu Easo Politeknikoak, Arreta soziosanitarioan eta Arotzerian.
Lehenik eta behin zorionak ikastetxearen izenean parte hartu duten ikasle eta irakasleei, eta nola ez Zorionak irabazleei Arreta soziosanitarioan Naroa Gabaldóni eta Arotzerian Danel Rochari.
Zorionak eta egindako lana eskertu Altzarigintzan 3. postua lortu duen Eneko Leali eta diploma lortu duen Lierni Muruari; Arotzerian 2.postua lortu duen Enaitz Tardiori; eta Arreta soziosanitarioan 3. postua lortu duen Markel Sorzabali.
Zorionak eman ikasleekin lanean eta lankidetzan aritu diren irakasleei. Merezi izan du hilabete hauetan egindako lanak!
