Ekintzailetza
Easo Politeknikoan ekintzailetzari bultzada estrategikoa ematen diogu, Lanbide Heziketako VI. Planak markatutako norabidean. Uste sendoa dugu: ikastetxeek ideiak sortu, ekimenak garatu eta errealitate bihurtzeko espazio bizia izan behar dute.
Gure konpromisoa argia da: ikasleen artean ekimena, sormena eta lidergoa sustatzen ditugu, ikaskuntza esperientzia esanguratsuen bidez. Parte hartzen dugun programa eta ekintzek aukera ematen dute ekintzailetza modu praktiko, digital eta kooperatiboan lantzeko.
Horrez gain, Urratsbat programa erreferentziazko tresna da guretzat, ikasleen ekintzailetza-proiektuak martxan jartzeko laguntza integrala eskaintzen baitu. Proiektu bat izatetik negozio erreal bilakatzera igarotzeko bidean, orientazio pertsonalizatua eta baliabide egokiak eskaintzen ditugu.
Easo Politeknikoa ekintzailetza sustatzen duen ikastetxea da: jarrera ekintzaileak heziz, etorkizuneko profesional autonomo, eraldatzaile eta konprometituak prestatzen ditugu.
Urratsbat programa
- LHko ikasleei beren enpresa sortzen laguntzeko programa da.
- Urratsbat programaren bidez ikastetxeak dauzkan baliabide guztiak baliatu nahi dira,bai giza baliabideak bai eta baliabide teknikoak ere enpresa proiektuak, enpresa proiektuak sortzeko eta abian jartzen laguntzeko.
- Lanbide Heziketako erdi mailako eta goi mailako zikloetako ikasleentzat.
- Ikastetxeko ikasle ohientzat.
- Prestakuntza ez arautuko edo prestakuntza ez presentzialeko ikastaroen bidez ikastetxearekin harremana daukan edozein pertsonarentzat.
- Kultura ekintzailea sustatzea sentsibilizaio saioak eginez eta EIP II moduluaren bidez. Bideragarritasun-azterketen analisia eta aholkularitza. Enpresa martxan jartzea eta abiaraztea. Bideragarriak diren ideiak martxan jartzeko tutoretza eta aholkularitza. Finantzazioa, egituratze juridikoa eta diru-laguntzak.
- Enpresaren jarraipena. Abian jarri ondorengo hilabeteetan proiektuaren tutoretza egitea, ezarritako helburuak betetzen direla egiaztatuz eta sortutako zalantzak argituz. Urratsbat Sarea webgunea eta plataforma ezagutzera eman eta sustatu.
Informazio gehiago behar izanez gero, jarri harremanetan ikastetxeko Urratsbat arduradunarekin: