Easo Politeknikoa LHII bikaintasun zentroa ekonomia sozialean eta zaintzaren alorrean

2024/05 Tknikak antolatu zuen Ikastetxeen Eraldaketa Teknologiko, Digital eta Metodologikoa gauzatzeko prozeduraren inguruko formakuntza-saioan parte hartu zuen Easo Politeknikoak Erkidegoetako beste zentroetako irakasleekin batera.

Era berean, ikastetxearen eraldaketa teknologiko, digital eta metodologikoa bideratzeko asmoz, beharren azterketa zehatza egin zen, sektore honetako azken berrikuntzen eta teknologia aurreratuaren erosketa eta horniketa gauzatuz.

2024/06 “Zainketen Paradigma Berria: Pertsonengan Oinarritutako Arreta (AICP) eta Teknologia Aurreratua” formakuntza-astea. Erkidego ezberdinetako gizarte eta kultur zerbitzuetako irakasleek parte hartu zuten. Lanbide heziketako irakasleek Gipuzkoan sektore honetan erreferenteak diren enpresak bisitatu zituzten. Horrez gain, AICPn adituak ziren 20 bat hizlarik ere parte hartu zuten. Halaber, parte-hartzaileen eta bikaintasun-zentroaren arteko harremanak eta lankidetza-sareak ezarri ziren etorkizuneko proiektuetarako. Balorazioa oso ona izan da

2024/05 Sektoreari buruzko jardunaldia antolatu zuen Easo politeknikoak Elkartu (Gipuzkoako Desgaitasun Fisikoen Pertsonen Federazio Koordinatzailea), Caser Residencial (adinekoen egoitza eta eguneko zentroa) eta Aztertzen (Donostiako udala) erakundeetako ordezkariak gonbidatuz.

Jardunaldian sektoreko profil-beharren txostena osatu zen hiru erakundeetako profesionalekin batera. Honi esker, profesionalen prestakuntza-eskaera berriak identifikatu ahal izan ziren.

Biztanleriaren zahartzeak eta teknologia berrietan oinarria duten arreta-politikek zaintza sektorearen ikuspegia aldatu du.

Bizi itxaropenaren luzapena, gaitz kronikoen hazkundea eta kultur eta etika erronka berriek, profesionalek, konpetentzia tekniko eta zeharkakoak egunean izatea eskatzen du.

Aldaketa guzti horiek mendekotasun egoeran dauden pertsonei arreta emateko teknikari tituluaren curriculuma gaurkotzeko beharra sortu dute.

Prozesu hori burutzeko, ekonomia sozialaren eta zainketen sektoreko profil-premiak identifikatu dira, esparru horretan eskatzen diren funtsezko gaitasunak hautemateko. Curriculuma eguneratzea, azken finean, funtsezkoa da, etengabe aldatzen ari den gizartearen beharrei egokitzeko.

Proiektuen ezarpen eta garapenak eta teknologia disruptiboa txertatzeak, irakaskuntza-ikaskuntza metodoaren eraldatzea dakar. Adimen artifizialak, errealitate areagotuak, ikaskuntza automatikoak eta plataforma digital pertsonalizatuak bezalako teknologiek, irakaskuntzaren eskuragarritasuna, pertsonalizazioa eta eraginkortasuna hobetu dute.

Teknologia honen aplikazioak, ikaskuntza-estilo desberdinetara egokitzea errazteaz gain, pentsamendu kritikoa, sormena eta etorkizunerako funtsezkoak diren trebetasun digitalen garapena sustatzen ditu. Era berean, prestakuntza dinamikoa, interaktiboa eta inklusiboa sustatzen ditu, ikasleak egungo gizartearen erronkei aurre egiteko prestatuz.

Easo Politeknikoan arlo hauek landu ditugu:

1. Irudi batean oinarritutako teknologia da. Proiektorea baliatuz, pertsona baten irudia proiekzioa pantailan edota bestelakoa geruza zapalean.
2. Adimen artifizialean oinarritutako teknologiaren erabiera, telelaguntza-zerbitzuko deiei lagutza eskeintzeko.
3. Beste formakuntza-zentro batzuekin konektatutako telelaguntza-simulazioko plataformaren ezartzea.
4.  Komunikazio sistema alternatibo eta handigarrietan (KSAH)oinarritutako metodo eta sistemak ezartzea.

Easo Politeknikoak, zainketen arloan teknologia berriak etengabe eguneratzeko eta integratzeko konpromisoa du. Horrela, eremu soziosanitarioan, exoeskeletoen erabilerari buruzko formakuntza eskaini du.

Gailuak baliatuz, exoeskeletoek erabiltzaileen bizi-kalitatearen eta eremuko profesionalen laneko segurtasunaren hobekuntza ezagutu genuen.

Ikasleek, Apex 2 Exosuit exoeskeleto pasiboa erabili zuten lan-tresna gisa, jarrera zuzentzeko, kargak jaso eta manipulatzeko eta zeregin desberdinetan laguntzeko.

Tresna ikasketa prozesuan eta ikasleen egunerokotasunean txertatu da, honen aplikazioa inguruko enpresetan ahalbidetuz.

Easo Politeknikoak, teknologia berriak txertatzen jarraitzen du etengabe. Hezkuntza-berrikuntzarekin eta irakaskuntza-ikaskuntza prozesuekin duen konpromezuarekin bat eginez, Irisbond espresaren Komunikazio Alternatibo eta Handigarrian (KSAH) eta “eye-tracking” teknikan espezializatutako formakuntza eskaini du.

Teknologia hauek, irakaskuntza prozesuan txertatu ditugu teknikariek lantokietan aplika ditzaketen funtsezko trebetasun teknologikoen jabe izateko. Modu honetan, erabiltzaile guztien beharretara egokitutako ingurune inklusiboa sustatzen dugu, eta etorkizuneko profesionalak formatu tresna berritzaile horien erabilera gidatzeko.

Formakuntza honek errealitate birtualaren erabileran du oinarria. Adinekoen ongizate emozionala eta kognitiboa hobetzeko tresna da. Ikasturtean zehar, 360º-ko esperientzia murgiltzaileak eskaintzeko, berariaz diseinatutako hainbat aplikazio erabitzen dira estimulazio kognitiboa eta emozionala lantzeko helburuz. Hiru aplikazio nagusi erabiltzen dira: Oroi Wellbeing, Oroi Cognitive eta Oroi Fit.

Lanbide Heziketan Errealitate Areagotuak dituen aplikazioak ezagutzeko eta ikaskuntza-irakaskuntza prozesuan integratzeko trebetasun praktikoak garatzeko ikastaroa da hau. Easo Politeknikoko irakasleez gain, erkidego mailako formatzaileek parte hartzen dute.

Landutako edukiak:

• Errealitate birtuala: teknologiaren bilakaera, VR eduki motak eta gailuak.
• Errealitate areagotua eta errealitate mistoa: teknologiaren eta gailuen bilakaera.
• Errealitate hedatua: paradigma-aldaketa, XRren onurak lanbide-heziketan eta ikaskuntza-kasuak.
• Adimen Artifiziala: teknologiaren garapena, IA sortzailea eta gailuak.

2025/03 Patxi Izaguirre psikologo klinikoak, doluan eta osasun mentalean aditua denak, hiru hitzaldi eskaini zituen Easo Politeknikoaan. Izaguirrek, eskola-eremuan, buru osasunari buruzko inguruko arazoak ekiditeko funtsezko estrategiak partekatu zituen, eta ikasteko giro osasungarriak eta positiboak bultzatzearen garrantzia nabarmendu zuen.

Errealitate birtualeko edukietara eta ingurune interaktiboen espazioetan garatuko diren esperientzien gidoiak garatzeko formazioa jaso zuten ikastetxeko profesionalek.

Eerrealitate birtualeko esperientzia bat sortzeko oinarriak landu ziren baita VR sistemen esperientzia eta teknologia mota desberdinetan ere, pertsonaia sinesgarriak sortzeko eta edozein istorioren erritmoa markatzen ikasteko oinarriak ere, VR narratibaren elementuak eta 360º espazio birtualak erabiliz. A-Frame, A-Frame Web VR, A-Frame inspector eta Glitch-en oinarrizko funtzionaltasunak ezagutu zituzten.

Ikastaroaren bigarren zatian X plataforman lan egiteko oinarriak eskeini dira, narratiba adarkatuaren egiturak ezagutuz eta proiektuak eta ingurune dinamikoak sortzeko baliabideak sortuz.

Adinberriren erronka da adinekoen zaintza sektoreari lotutako jarduna eta enpleguratzea sustatzea. Bide horretan, teknologia robotikoa sustatzeko jardunaldia egin zen 2024ko apirilak 26an Donostian.

Jardunaldian zehar, robotikaren erabilera osasun-arretan eta adinekoen zaintzan integratzeko funtsezko estrategiak aztertu zituzten, erakundeen, enpresen eta sektoreko beste eragile batzuen arteko lankidetzaren garrantzia azpimarratuz. CIFP Easo Politeknikoa LHII-k, aktiboki parte hartu zuen ekitaldian, eta nabarmendu zuen interesa zuela teknologia horiek garatzen lagunduko duen ekosistema bat sortzeko, seniorren kolektiboaren beharrei erantzunez.

Jardunaldian dinamika parte-hartzaile baten bidez, sektore soziosanitarioaren beharrak identifikatu eta funtsezko eragileen (enpresak, unibertsitateak, administrazio publikoak eta gizartea) arteko loturak ezarri ahal izan ziren.

“KORALE Community Rail 2024-2028” nazioarteko I. topaketa. ADINBERRIk buru zuen Europako proiektu honek, desiratzen ez den bakardadearen eta gizarte-isolamenduaren arazoari heldu nahi izan zion, hau baita Adinberri Fundazioak eta Gipuzkoako Foru Aldundiak azken 4 urteetan HARIAK Estrategiaren bidez, bultzatzen ari den erronka nagusia.

Tabakalerako topaketak 300 pertsona baino gehiago bildu zituen. Bertan, Europako eskualdeek egiten duten lana eta gure lurraldean garatzen ari diren ekimen berritzaile eta esanguratsuak ezagutzeko eta partekatzeko aukera izan genuen.

Zaintzaren inguruko hausnarketa partekatu zuen Felix Arrieta Deustuko Unibertsitateko Gizarte Laneko graduko irakasle Felix Arrietak (Donostia, 1982).

Arrieta ezaguna da zaintzaren sektoreari buruz egindako ikerketa eta publikazioengatik eta gakoak eman zituen zaintza sistemak dituen gabeziak ikusten laguntzeko eta sistema osoago baterako urratsak nola egin daitezkeen iradokitzeko. Arrietak Donostiako zaintza-egitasmoen ezagutza du, gainera, eta hitzaldia interesgarria eta gertukoa egin zuen.

CIFP Easo Politeknikoa LHII, Ekonomia Sozialaren eta Zaintzen inguruko Bikaintasun zentroa izanda, gisa honetako ekitaldiak bultzatu nahi ditu, auzoek dituzten beharrei erantzun bat emateko asmoz.

CIFP Easko Politekniko LHIIko Ekonomia Sozial eta Zainketen Arloko Bikaintasun Taldeko irakasleak Düsseldorfeko (Alemania) Rehacare zaintzari buruzko nazioarteko azokan parte hartu zuten.

Sektoreko zerbitzu, produktu eta teknologia berritzaileenak ezagutzeko eta frobatzeko aukera izan zuten, ondoren, ikastetxean praktikan jartzeko helburuz.

Lanbide Heziketaren aldeko Aliantzaren esparruan, Hezkuntza, Lanbide Heziketa eta Kirol Ministerioak Madrilen antolatu zuen Lanbide Heziketako Bikaintasun Zentroen Sareen Lehen Topaketan parte hartu zuen Easo politeknikoak.
Ekitaldi honetan, produkzio-sektore ezberdinetako enpresekin lankidetzan garatutako hainbat berrikuntza-proiektu aurkeztu zituzten zentroek. CIFP Easo Politeknikoa LHII-k, bi proiektu aurkezteko aukera izan zuen: HOMELAB eta Bizitzak 360º: Jakituriaren Erretratuak.

Egitasmo hauen aurkezpenarekin, lanbide-heziketa eta enpresa-munduaren arteko elkarlanaren eraginkortasuna frogatu zuen zentroak.

Halaber, lanbide-heziketako zentroen arteko aliantza estrategikoa indartzeko balio izan zuen.