EASO Politeknikoko Sistema Elektrotekniko eta Automatizatuak zikloko ikasleek bisita bat egin dute Orion eraikitzen ari diren obra batera, benetako instalazio elektrikoak zuzenean ikusteko.
Bisitan, ikasleek gertutik ikusi ahal izan dituzte eraikin baten barneko instalazioak, instalazio fotovoltaikoak, telekomunikazioak eta domotika. Gainera, obran lan egiten duten profesionalekin hitz egiteko eta zalantzak argitzeko aukera izan dute.
