Martxoaren 11tik 18ra burutu zen Osasun Mentalaren Astea, Gizarteratzea zikloko lehenengo mailako ikasleek zuzendua. Helburua, prebentzio gisa, adikzioak, elikadura nahasmenduak, antsietatea, depresioa edo suizidioa bezalako gaiak hartuta elkarrekin naturaltasunez hitz egiteko espazio seguruak eskaintzea izan da.
Guztira 24 tailer egin dira eta 345 ikaslek hartu dute parte. Bertaratutakoen balorazioa oso positiboa izan da eta guztiek jaso dute kanpaina honetako leloak adierazten duen mezu baikorra: Zirkulu guztiek dute irtenbidea.
