Otsailaren 6an Angel Lapuente, Lan eta Gizarte Segurantzako zuzendaria, Orreaga Zorrilla Gipuzkoako Lan Ikuskaritzako Zuzendaria, eta Luis Angel Agirre, Osalaneko Gipuzkoako arduraduna, Mekanikako eta Lanbide Arriskuen zikloko ikasleekin izan ziren, lan-munduan instituzio publikoen lana zein den eta euren ardurak zein diren partekatuz, ikasleak informatu eta sentsibilizatzeko asmoz.
Easo politeknikoak arduradun publiko hauei beraien prestutasuna eta inplikazioa eskertu nahi die, ikasleak eta gizartea laneko arriskuen prebentzioan sentsibilizatzen laguntzeagatik. Aurrerantzean ere, elkarlanean jarraitzeko asmoa adierazi genion elkarri, laneko istripurik gabeko gizarte osasuntsuago baten alde.
