Elikagaiak merkaturatzea zikloa ikasten diharduten ikasleek Gernika-Lumoko urriko azken asteleheneko azoka berezia ezagutzeko aukera polita izan zuten. Bertan, euskal produktu ezberdinen salmenta puntuak ikusi eta aztertu dituzte. Zenbait postutan, produktuen ekoizpena, eraldaketa eta salmenta prozesuen berri jaso zuten.
Eguraldiak lagun, jendetza bildu zen azokan, Euskal Herriko nekazari garrantzitsuenek 307 postu osatu zituzten euskal giro paregabean.
