Easo Politeknikoan Euskararen Eguna ospakizuna

Aurten, Euskararen Eguna abenduaren 1ean ospatu dugu Easo Politeknikoan. Sekulako giro alai eta parte hartzaileaz gozatu dugu. Bertan izan genuen Udane Ostolaza harri jasotzailea eta berarekin batera, harria jasotzeko saiakera egin nahi izan zuten guztiak. Hutsun txalaparta taldea ere bertan izan zen. Mekanikako ikasleek egindako txapak, janariak Elikagaiak merkaturatzea zikloko ikasleek banatutako txokolate eta bizkotxoak, Haur hezkuntzako ikasleen jolasak, Gizarteratzeko eta Kiroletako ikasleen dantzak, horiekin batera Erizaintza eta Arretako ikasleek sortutako “Minbiziaren Aurka, Aukera Berriak” kartelekin eitb maratoirako grabaketa, ikasle/irakasleen bertsoak…Egun paregabea. Zorionak eta eskerrik asko guztioi!