Urriaren 28an, Amara auzoan, ‘ Amara Berriko Eguna’ ospatu zen.
Auzoko gizarte eragileen artean antolatutako ekimena da. Udaleko Herritarren Partaidetza Zerbitzuak bultzatutako ‘Auzo Mahaiak’ dinamikatik sortu da. Helburua, auzoko elkarteen arteko harremana sustatzea eta bizilagunen aurrean ikusaraztea da.
Aurten, Easo Politeknikoko ordezkari bezala, Mekanikako irakasle talde bat izan ginen bertan. Mekanikako Mahaietan, 3D inpresorak, laser inpresora eta txapak egiteko makina eraman genituen.
Goiz osoan, auzoko bizilagun asko gerturatu ziren gure mahietara. Xafla pertsonalizatuak egin eta norberak sortutako diseinuak inpresoretan inprimatzeko aukera izan zuten.
