| Ingurumen Hezkuntza eta Kontrola zikloko ikasleak EXPORETRETE izeneko erakusketa ibiltaria bisitatzera hurbildu dira. Honen helburua, herritarrak saneamendu-sarearen erabilera egokiaz kontzientziatzea da. Kanpaina hau “EZ ELIKATU MUNSTROA” leloarekin estuki lotuta dago. Erakusketan lantzen diren gaiak hauek dira: uraren ziklo integrala, komuna zakarrontzi modura erabiltzearen arazoa eta saneamendu-sarearen mantentze-lanak. Zenbait osagai komunetik edo arraskatik botatzearen tratamendu zehaztua erakusten du, hala nola: toailatxo hezeak, janari-hondarrak, suspertzen ari diren kutsatzaileak (botikak eta etxeko hondakin toxikoak), gantzak eta olioak. Ikasleek jokaera-ohitura desegokien ondorioz arazo larriak sortzen direla ikusi dute, herritarrek komuna zakarrontzi modura erabiltzen baitute. Denon arazoa da eta denon esku dago konponbidea.
—|—
