| Easo Politeknikoa LHIIko Kirolekintzak alorguneak lankidetza-hitzarmen bat sinatu du Berdin-Berdinak kirol inklusiboko elkartearekin. Hitzarmenaren xedea da arnas luzeko proiektu berritzaile bat abiatzea eta, horrela, jarduera fisikoen goi mailako graduko 1. ikasturteko ikasleei aukera ematea beren praktikak Berdin-Berdinak elkartean egiteko. Ikasleek parte hartuko dute Berdin-Berdinak elkarteak egiten dituen jardueretan eta, hartara, desgaitasunak dauzkaten pertsonen kolektiboarekin egiten den lana bertatik bertara ezagutuko dute.
—|—
