| Lan arriskuen prebentzioa zikloko 2. mailako ikasleek prestakuntza espezifikoak eman dituzte zurgintza, mekanizatua, eraikuntza eta bitxigintzako zikloetan. Ikasle bakoitzak lanbide bat aztertu ondoren, lanbidearen arriskuak ebaluatu ditu ikasturtean zehar, eta bukatzeko ziklo horietako ikasleei baliagarri izango zaien gaiaren inguruan trebatu dituzte. Ebaluazioa egin ondoren, ziklo ezberdinen beharretara egokituta trebakuntza hauek prestatu eta eman dituzte:
* Zurgintzako erdi mailako ikasleei: pisuaren eskuzko manipulazioa, laneko posturak eta oinarrizko prebentzio neurriak (txukuntasuna, garbitasuna eta norbanako babes ekipoak).
* Zurgintzako goi mailako ikasleei: erdi-mailako arduradun batentzat beharrezko ezagutza prebentiboak.
* Eraikuntzako goi-mailako ikasleei: eraikuntzako arduradunen betebeharrak, eta eraikuntzako prebentzio formazioaren baliozkotzeak Eraikuntza eta Obra publiko familiako tituluekin.
* Mekanikako erdi-mailako ikasleei: lantokiko prestakuntzarako (LP) praktika onak.
* Bitxigintzako goi-mailako ikasleei: arrisku ergonomikoak, bereziki bistako arazoak saihesteko ariketa eta neurrietan zentratua
—|—
