| Aurten ere, EASO Politeknikoak “Natur inguruneko ur espazioetan sorospena” izeneko profesionaltasun ziurtagiria eskainiko du, Lanbidek akreditatua eta Euskadin orain arte bakarra. Ekimen hau beste erkidego batzuetan egiten den eskakizunari aurrea hartzeko dator. Izan ere, hondartzetan lan egiten duten sorosleei honelako egiaztagiri profesional eta homologatua eskainiko zaie. Aurten, gainera, Sorospena ur-instalazioetan ziurtagiria egiteko aukera ere izango da aldi berean modulu batzuk partekatzen direlako, eta horrela hilabete batzuetan bi tituluak lortzen dira. Ekimen pribatua duen ikastaro hau, Easo Politeknikoa eta Gipuzkoako Gurutze Gorriaren arteko elkarlanari esker eskaini ahal izan da, Getariako Itsas erreskate eskolaren (ESSMA) laguntzarekin batera. Kalitatezko trebakuntza jasotze aldera, hobekien entrenatuta dauden prestatzaileak eta erreskaterako eta entrenamendurako materialak jarri dituzte ikastaroa egingo dutenen eskura. Gehieneko partaide kopurua 20 lagunekoa da eta DBHko tituluaren bidez edo erdi mailako beste ziklo baten bidez sar daiteke. Izena emateko edo informazioa eskatzeko egin klik hemen.
—|—
