| Mendekotasun-egoeran dauden Pertsonentzako Arreta zikloko lehen mailako ikasleekin, ETHAZI (Etekin Handiko Zikloak) programaren baitan, erronketan oinarritutako ikasketa kolaboratiboa lantzen ari gara. Testuinguru honetan Goyenetxe Fundazioko erabiltzaileekin elkartruke bat egin genuen Easo Politeknikoan. Ikasleek ongi etorria egin zieten Goyenetxeko erabiltzaileei eta ekintza txoko ezberdinak dinamizatu zituzten (karaokea, papiroflexia, buztina, bingoa, oka jolas erraldoia eta sukaldea). Elkartruke oso aberatsa izan zen.
—|—
