| Lanbide Heziketako Sailburuordea den jorge Arévalori lagunduz, Tknikako arloetako arduradunak eta Easo Politeknikoa eta Usurbilgo zuzendariek Kanarietan burutu diren jardunaldi batzuetan hartu dute parte, Euskadiko LHren arrakasta-ereduaren berri emateko asmoz. Gobernu kanariarraren iritziz, langabezia murrizteko bideetako bat LHren aldeko apustua da. Eta helburu horretan lagunduko dielakoan, Euskadiko LHko ereduari erreparatu diote, Europako hoberenetako bat baita. Horrela bada, lau egunetan eta bi uharte desberdinetan, Euskadiko ordezkaritzak Tknikaren jarduna aurkeztu du, LHren modernotasunari dagokionean, eta Easo Politeknikoko zuzendaritzak Euskadiko lanbide heziketako ikastetxe handienetako baten kudeaketa ereduaz eta eguneroko lanaz hitz egin du.
—|—
