| Pasa den urtarrilaren 27an, ia bi ordu eta erdiko saio aberats batean, Erabilera Publikoko Jarduerak irakasgaiaren barruan, eraikuntza jasangarria edo bioeraikuntzari sarrera egin zioten ikasleek gelan bertan, Inhar Agirrezabal arkitektoren eskutik. Eraikuntza mota honek, ingurumenari errespetua eta giza osasuna ditu ardatz. Saioan ikusi ditugun gaiak, lurraren artifizializazioa, eraikinen energia kontsumoa, eremu elektromagnatikoak, konposatu kimikoak eta biologikoak, eraikin gaixoaren sindromea, aztarna ekologikoa eta eraikuntza material naturalak izan dira, besteak beste. Azalpen zehatz eta aldi berean ulergarrien bitartez, Bioeraikuntzaren oinarrizko edukiak ulertu ahal izan ditugu.
—|—
