| Lehenengoz, EASO Politeknikoak “Natur inguruneko ur espazioetan sorospena” izeneko profesionaltasun ziurtagiria eskaintzen du, Lanbidek akreditatua eta Euskadin bakarra. Ekimen hau jada beste erkidego batzuetan egiten den eskakizunari aurrea hartzeko nahitik abiatu da. Izan ere, hondartzetan lan egiten duten sorosleei honelako egiaztagiri profesional eta homologatua eskatzen zaie. Ekimen pribatua duen ikastaro hau, Easo Politeknikoa eta Gipuzkoako Gurutze Gorriaren arteko elkarlanari esker eskaini ahal izan da, Getariako Itsas erreskate eskolaren, ESSMA, laguntzarekin batera. Hauek, kalitatezko formakuntza jasotzeko, hobekien entrenatuta dauden prestatzaileak eta erreskaterako eta entrenamendurako materialak jarri dituzte ikastaroa egingo dutenen eskura. Gehieneko partaide kopurua 20 lagunekoa da eta DBHko tituluaren bidez edo erdi mailako beste ziklo baten bidez sar daiteke. Informazio gehiago…
—|—
