| Joan de azaroaren 11n Marta Fernándezek, Easo Politeknikoko Bitxigintza saileko irakaslea, Julen Mendoza eta Fernando Nebredarekin batera, Errenteriako Alkatea eta Oarsoaldeako Gerentea hurrenez hurren, parte hartu zuen hainbat proiekturen aurkezpenean. Hauek, Errenteriako udalerriak eta eskualdeak Errenteria 2025 plan estrategikoan zehazten dituzten ekimen sortzaileen sustapenaren aldeko apustua biltzen dute. Proiektu berri hauek marka bakar batek hartzen ditu bere baitan: HABIAN! HABIAN! Fabrika kreaktiboa , sormenezko ofizioetan oinarriturik, elkarlanean aritzeko lantegien proiektua da (ehungintza, bitxigintza, bisuteria, urregintza, zurgintza, zeramika eta coworking kreatiboa), non, hasierako oztopoak murrizteko helburuaz, pertsona ekintzaileei bitartekoak eskaintzen zaizkien, hala nola azoka alokairuak (110 €/hilean) eta hornikuntzarako hasierako inbertsioa, aholkularitza eta abarrez gain. Espazio honek bi irakasleren aholkularitza eduki du, Marta Fernández Caballerorena eta José Carlos Alonso Alonsorena, Easo Politeknikokoa eta AEG Ikastetxekoa hurrenez hurren. Biak prentsaurrekoan izan ziren. HABIAN! Teknologia kreaktiboa teknologia berrien arloko espazioa da. Bertan, elkarrekin dihardute sektoreko enpresa arrakastatsuak eta pertsona ekintzaileen proiektuak, sortze fasean egonik, laguntza eta aholkularitza jasotzen baitute, kokapenerako espazio fisikoaz gain. Proiektu honen gidaritza eskualdearekin lotura duten bi pertsona ekintzaren gain dago: Félix Vela (Forvo) eta Jon Bengoetxea (Tumaker).
—|—
