| Azaroak 4ean, Ingurumen Hezkuntza eta Kontroleko 1. eta 2. mailako ikasle eta irakasleek, Pagoeta Parke Naturala bisitatu genuen. Iturraran parke botanikoan lehen mailako ikasleek hostoak bildu ahal izan zituzten landu behar duten herbarioa osatzeko. 2. mailako ikasleek GPSaren erabilpena praktikan jarri zuten. interpretazio gunean, bigarren mailako ikasle batek ingurumen hezitzaile lana egin zuen gainontzeko ikasle eta irakasleontzat. Goiza bukatzeko, parke naturalean bertan dagoen Agorregiko XV. mendeko burdinola bisitatu genuen, uraren erabileraz energia sortzeko adibide aitzindari gisa.
—|—
