| Aurten ere, Ingurumen hezkuntza eta kontrola zikloko 1. mailako ikasleak Linzan, Ansoko bailaran izan dira maiatzeko bigarren astean. Egun horietan ibilbide anitzak egin dituzte mendian zehar, bertako hegaztiak, ugaztunak, narrastiak eta anfibioak eta ekosistema desberdinak behatzeko aukera izan dutelarik. Halaber, orientazio-lasterketa eta arroil jaitsiera bat (Arandari-Burgi) ere egin dute. Aipatu beharra dago egonaldi honetan ez dutela aparteko gorabeherarik izan, ikasle-irakasleen artean giro bikaina izan dela eta eguraldiak ere beraien alde jokatu duela. Jarduera hau oso baliagarria izan zaie moduluetan ikasitakoa praktikan jartzeko. Partehartzaile guztiak eskertu nahi ditugu, bakoitzak egindako ekarpenagatik eta denon artean sortutako giro onagatik.
—|—
