| Apirilaren 28an Laneko Osasun eta Segurtasunaren Nazioarteko Eguna ospatzen da. EASO Politeknikoa Gipuzkoan Lanbide Arriskuen Prebentzioa Heziketa Zikloa eskaintzen duen zentro bakarra denez, ez dugu aukera hori galdu nahi izan eta egun horretarako ekitaldi bat prestatu dugu. Ekitaldi horretan Ander Arrieta Abasolo izango dugu, Osalanen diharduen PRL teknikaria, laneko arriskuen prebentzioaz hitz egiteko, zalantzarik gabe denon intereseko gaia. Hitzaldi hau eta ondorengo eztabaida goizeko 9:30etik 11:00etara izango da eta interesa duen edonorentzat dago zabalik. Halaber, prebentzio zikloko ikasleek zentroan jardunbide seguruak sustatzeko kartelak prestatu dituzte.
—|—
