| Urtarrilaren 28an, Ingurumen Hezkuntza eta Kontroleko goi mailako ikasleak Irunera hurbildu ziren mundu osoko 7000 tximeleten edertasunaz eta kolore ikusgarriez gozatzeko. Erakusketaren egilea, Martin Agirresarobe, ezagutzeko aukera izan zuten eta honek tximeleten bizitza konplexuaz hainbat azalpen eman zizkien. Bisita oso interesgarria izan zen, izan ere, pribilejio itzela da mundu osotik datozen tximeletekin osatutako bilduma hau ikustea. Egun berean, eta bisita osatzeko, Oiasso Museoko erakusketa iraunkorra bisitatu zuten, Irunen aurkitutako erromatarren garaiko aztarnak ezagutzeko.
—|—
