| Sukalde-arasa hegalari bat, material berriekin egindako besaulkia, apalategi kurbatu bat, ekodiseinatutako hamaka bat, banku zabalgarri bat eta geometria linealarekin egindako idazmahai bat dira, besteak beste, “Donostia Hiria” XVII. Altzari Diseinu Lehiaketan saritutako lanak. Malaga, Gasteiz, Vigo, Madril, Donostia eta Lleidako ikasleak izan dira lan irabazleen egileak. Ikasle hauek Kordoba, Vigo, Madril eta Donostiako ikastetxeetakoak dira. Sarien banaketa pasa den asteartean, azaroak 4, izan zen, Gipuzkoako Foru Aldundiko tronu aretoan. Lehiaketa hau 1991. urtean sortu zen eta ilusioa pizten jarraitzen du Zurgintza, Altzarigintza eta Kortxoko Lanbide Familiako ikasketak ematen diren ikastetxeetako ikasleen artean. Ekitaldiko mahaian Ion Peli Uriguen (Berrikuntza, Landa Garapena eta Turismoko Ahalduna), Gema Glez. de Txabarri (Gipuzkoako Hezkuntza ordezkaria), Iñaki Gastañaga (Easo Politeknikoko zuzendaria), Carlos Glez. Mediavilla (Profemaderako presidentea) eta Javier Jiménez Chave, Zurgintza eta Altzarigintza Alorguneko ordezkaria izan ziren, azkeneko hau Lehiaketaren antolatzailea. Ekitaldi honen ondoren aukeratu eta saritutako lanen erakusketa ren inaugurazioa burutu zen, Kutxako Boulevard 1eko Erakusketa Aretoan eta bertan hainbat Erkidegotako 18 lan daude ikusgai. Erakusketa hau abenduko 7ra arte egongo da publikorentzat zabalik.
—|—
