| Instalazioa eta Altzari-hornikuntza (erdi mailako zikloa) eta Diseinua eta Altzari-hornikuntzako (goi mailakoa) ikasleak, Zurgintza, Altzarigintza eta Kortxo alorguneko irakasleekin EGURTEK 2014 topagunean izan ziren. EGURTEKen banatzen diren sarien artean, Iñigo Salvador eta Eider Simon ikasleek egindako lanek aitortza jaso zuten, “Enbor zerratua” eta “Zurezko zuhaitza” izeneko lanekin hurrenez hurren. EGURTEK, Egurrezko Arkitekturaren eta Eraikuntzaren V. Nazioarteko Topagunea, joan zen astean BEC-en (Bilbao Exhibition Centre) ospatu zen eta bertan zuraren sektoreko adituak eta punta-puntako enpresak izan ziren. Topagune honetako helburu nagusienak ingurumenaren orekarako jasangarria eta onuragarria den egurra bezalako material baten erabileraz sentsibilizatzea eta zurak eraikuntza eta birgaitze lanetan dituen gaitasunez eta eskaintzen dituen aukerez teknikoak informatzea izan dira.
—|—
