| Urriaren 7an ingurumen hezkuntza eta kontrola zikloko ikasle guztiak, ingurumen kudeaketako jarduera osagarri bezala, Sasietako hondakindegi kontrolatua eta Urnietako sailkatze planta bisitatu zituzten. Hondakindegian, zenbait eskualdetako (186 000 biztanle) hiri hondakinek jasaten duten tratamenduari buruzko informazioa jaso zuten eta biogasetik energia elektrikoa ekoizteko plantan burutzen den prozesua ezagutu zuten. Ondoren, Urnietako ontzien sailkatze plantara abiatu ziren non ikusi zuten ontziak nola jaso, sailkatu eta bereizi, gero era egokian birziklatu ahal izateko.
—|—
