| Joan zen irailaren 22an, Natur ingurunean Gorputz- eta Kirol-Ekintzen gidaketa erdi mailako zikloa, eskolako 21 Agendaren bitartez, Donostiako Udaletxeak mugikortasun jasangarriaren inguruan sustatutako bizikleta martxan parte hartu zuen. Gure zentroak martxaren antolakuntzan hartu zuen parte eta udaletxeak berak zoriondu gintuen egindako lanagatik. Topaketa honi esker udaletxeko mugikortasun departamentu eta eskolaren arteko harremana estutu dugu. Udaletxeko arduradunak gure zentroko instalazioak bisitatzera etortzeko hitzordua jarri dugu, hemendik aurrera bizikletaren erabilera sustatzeko eta hobetzeko moduak aztertzeko.
—|—
