| Pasa den asteartean, irailak 9, Namibiako enbaxadorea, Frantzia, Italia eta Espainiarekiko nazioarteko harremanen ordezkaria eta baita ere Namibiako Hezkuntzako zuzendari orokorra, gure zentroan izan ziren bisitan, Jorge Arevalo, Eusko Jaurlaritzaren LHko sailburuordea gidari zutelarik. Zentroko instalazioak bisitatu zituzten, irakasleekin esperientziak trukatu, abian dauden eraberritze-proiektuen informazioa jaso eta baita ere hizketaldi batean parte hartu zuten, mintzagaia kudeaketa sistema eta ikastetxeko egunez egunekoa zelarik. Euskadiko Lanbide Heziketaren errealitatea eta honek lehiakortasunean eta enpleguan duen garrantzia bertatik bertara ikusteko aukera izan zuten. Bisitariak harrituta gelditu ziren gure lan egiteko moduaz, zentroan daukagun instalazioez eta aplikatu dugun kudeaketa sistemaz. Hemendik aurrera bi herrialdeen arteko elkarlanerako bideak finkatu ziren.
—|—
