| Maddi Camaño, Asier Gutiérrez, Maialen Saiz eta Ariñe Telleríak, Ingurumen-hezkuntza eta kontroleko ikasleak, “Zure janaria ez da hondakina” bideo-lehiaketako 1. edizioa irabazi dute, Lanbide Heziketako kategorian. Lehiaketa honen deialdia Hiri-hondakinak kudeatzeko eta koordinatzeko organoak (OCRU) egin zuen; erakunde hau Euskadin Hondakinak Prebenitzeko Europar Astearen antolatzailea da. Helburua hiritarrak oro har, eta batez ere jende gaztea, elikagaien kontsumo arduratsuan sentsibilizatzea da eta, aldi berean, kontsumitzen ez diren elikagaiekin sortzen diren hondakinak murriztearen beharra ikustaraztea. Sariak honako arduradun hauek banatu zituzten: Eusko Jaurlaritzako ingurumen administrazioko zuzendariak, Alejandra Iturriozek; Arabako Foru Aldundiko ingurumeneko zuzendariak, Belen Etxeberriak; Bizkaiko Foru Aldundiko ingurumen-azpiegituretako zuzendariak, Marta Blancok; eta Gipuzkoako Foru Aldundiko Ingurumen eta Obra Hidraulikoko arduradunak, Ainhoa Iraolak.
—|—
