| Instalazioa eta Altzari-hornikuntza 2. mailako ikasleek STARTinnova lehiaketa irabazi dute. El Diario Vascok antolatuta, gizartean balore ekintzaileak bultzatzea du helburu, eta bertan Easo Politeknikoko bi taldek hartu dute parte. Atzoko ekitaldian, azken bost finalistek beren proiektuaren defentsa egin zuten, eta epaimahaiaren galderak erantzun. Gure ikasleek bere prototipoa eraman eta oso ondo azaldu zuten zer den ZINTZILBIKE, etxe txikietan txirrinduak zintzilikatzeko tresna. Zorionak Alex, Beñat, Iñigo, Mikel eta Xabier ikasleei, eta bere tutoreari, Imanol, eta zurgintzako irakasleak diren Xebas Elizondo eta Igor Abanzabalegiri. Argazkian, ikasleak babeslea izan duten Ambulacias Maizeko adminstratzailearen eskutik saria jaso ondoren.
—|—
