| Urtarrilaren 9 eta 10ean Lanbide Arriskuen Prebentzioa zikloko 2. kurtsoko ikasleak, emergentziak eta segurtasuna moduluetako irakasleen laguntzaz, eskorga jasotzaileak erabiltzen ikasteko ikastaroan izan ziren, zentroan jasotzen duten prestakuntza osatzeko asmoz. Ikastaroa Elkolab Kooperatibak eman zuen eta irakaslea EASO Politeknikoko lehenengo promozioetako ikasle ohi bat izan zen. Bi orduko prestakuntza teorikoa jaso ondoren, makinen alokairuko enpresa batera joan ziren eta han, sei orduz, ezaugarri desberdineko 3 eskorga jasotzaile erabiltzeko aukera izan zuten. Balorazioa oso positiboa izan zen, izan ere, aukera izan zuten zentroan eskuragarri ez dauden makina batzuekin harreman zuzena izateko.
—|—
