| IKASENPRESA proiektuak martxan dira ikastetxean, eta lehenengo jardunaldia irailaren 27an ospatu zen Easo Politeknikoan, gaitasun ekintzaileak sustatzeko helburuarekin. Bertan izan ziren gure ikasleez gain, Gipuzkoako hainbat Lanbide Heziketako zentruetako ikasleak. IKASENPRESA, ikasgeletan eskola-enpresak sortzearen inguruan garatzen den hezkuntza-programa bat da. Proiektu horren helburuen artean dago enpresaren mundua ikasgeletara hurbiltzea eta gaitasun ekintzaileen garapena sustatzea (sormena, berrikuntza, talde-lana, erabakiak hartzea, ekimena, lidergoa, konpromisoa, irmotasuna, negoziazioa, eta abar). Gainera, beste kultura eta gizarte-errealitate batzuetara hurbildu nahi da ikaslea eta ikastetxeen arteko elkarlana sustatu nahi da.
—|—
