| Urriaren 29an, Lanbide Arriskuen Prebentzioa goi-mailako zikloko 2. kurtsoko ikasleekin batera, jardunaldi tekniko honetan parte hartu genuen: “Kanpaina sektorialak EAE-an: Lanbide Arriskuen Prebentzioan elkarlanean”. Jardunaldi horretan Osalan-ek, urtero ospatzen den Laneko Segurtasuna eta Osasuna Aste Europearraren markoaren barnean, 2012ko Kudeaketa Planean jasotako zenbait jarduera aurkeztu zituen, Lanbide Arriskuen Prebentzioarekin zerikusia dutenak eta halaber, EAE-ko enpresetan araudiaren betetze-mailaren inguruan jardun zuten: lantegietan, lanpostuetan, makinerian, agente kutsagarrietan eta abar. Jardunaldi hau oso baliagarria gertatu zaigu Lanbide Arriskuen Prebentzioko goi-mailako zikloko ikasleek Euskadin egiten den prebentzioa bertatik bertara ezagutzeko.
—|—
