| Diseinu eta altzarigintza zikloko 1. Mailako ikaslea den Iñaki Nuñez gasteiztarrak irabazi du Ekiozu ekimenaren eskutik Gazte-txartela argazki lehiaketaren lehen edizioaren herri-epaimahaiaren saria. Ekiozu ekimenaren eskutik Gazte-txartela argazki lehiaketaren lehen edizioak baditu irabazleak. Gai sozial baten inguruan burutu behar ziren lanak. Horretarako, baliabide naturalak, haurren babesa, pobrezia, indarkeria, langabezia, animaliak, drogak eta alkoholismoa bezalako gaiak proposatu zitzaien parte hartzaileei. Gazte-txartelaren Bilboko aretoetan egingo den erakusketa baterako 20 irudi aukeratu ziren: hamar herri-bozketa bidez, eta beste hamar epaimahai profesional baten eskutik. Horretaz gain bi irudik sari bikainak jaso zituzten: herri-epaimahaiaren sariaren irabazleak Karibera bidaia, eta epaimahai profesionalaren sariaren irabazleak Nikon ekipo profesional bat. Iuri Vivancok epaimahai profesionalaren saria irabazi zuen ‘El sistema no sirve’ lanarekin, eta Iñaki Nuñezek herri-epaimahaiaren saria irabazi zuen ‘El pan de cada día’ argazkiarekin.
—|—
