| Abenduak 19an ospatu zen EASO Politeknikoko EJE enpresen azoka. Jende ugari ibili da postu desberdinak bisitatuz eta gabonetarako opariak erosiz. Aurtengoa, azoka antolatzen den hirugarren urtea da, eta urtetik urtera talde gehiago dira bertan parte hartzen duten ikasleak. Ikasturte honetan, 17 enpresa txiki sortu dituzte, eta azoka honen bidez, eskaintzen dituzten produktu eta zerbitzuak erakusteko aukera izan dute. Mila esker hurbildu zareten guztioi. EJE programa, EEE(LOEn) eta ADKU (LOGSEn) moduluetan lantzen da, ikasgeletan eskola-enpresak sortuz. Programa honen heburuen artean dago enpresa mundua ikasgeletara hurbiltzea eta gaitasun ekintzaileen garapena sustatzea (sormena, berrikuntza, talde-lana, erabakiak hartzea, ekimena, lidergoa, konpromisoa, eta abar). Gainera, beste kultura eta gizarte-errealitate batzuetara hurbildu nahi da ikaslea eta ikastetxeen arteko elkarlana sustatu nahi da.
—|—
