Apirilaren 18an, “Fabrikazio Mekanikoko Produkzioaren Programazioa” goi-mailako zikloko 1. kurtsoko ikasleek, saileko zenbait irakaslerekin batera Tajo Kooperatiba Elkartea bisitatu zuten, Mondragon Korporazioko partaidea eta Oiartzungo Aranguren poligonoan kokatua. Enpresa honetan automoziorako eta linea zuriko elektratresnentzako plastikozko piezak diseinatu eta egiten dira.
Han produkzio planta erakutsi zieten eta bertan injekzio-makinak erabiliz plastikozko piezen burutzapena ikusi zuten, moldeen mantenimenduko departamentua eta baita ere kalitate kontroleko eremua. Bisita oso aberasgarria izan zen, motz samarra egin zitzaigun arren; hori dela-eta komenigarria izango litzateke hurrengo urtean ere bisita errepikatzea.
Beste alde batetik “Mekanizazioan Teknikaria” erdi-mailako zikloko 1. kurtsoko ikasleek, departamentuko bi irakaslerekin, Inasmet enpresa bisitu zuten; enpresa hau Tecnalia Research & Innovation Fundazioan partaidea da eta Donostiako Mikeletegi Pasealekuan kokatuta dago. Ingeniaritza zerbitzuak eskaintzen ditu, Diseinua eta I+D Materialetan.
Gure ikasleek instalazioen zati bat bisitatu zuten: I+D atalean tailer-laboratorioetan saiakuntzak egin zituzten; halaber Mekanizazio tailerrak ikusi zituzten eta konposite berrien ikerkuntza.
