Maiatzaren 18an LPO eta Prebentzioa alorguneko ordezkariak, zuzendariarekin batera, Ekimen Ekintzailea FP2.0 proiektuen koordinazio bileran egon ginen; hor EASO Politeknikoak bere bi ekimenak aurkeztu zituen. Bilera Hospitalet de Llobregat-en izan zen eta Bartzelona, Gasteiz eta Valladolideko beste 5 LH-ko zentrok ere parte hartu zuten.
Lehenengoa, Enplegu bilaketa eraginkorra sarean LPO departamentuan garatzen ari diren unitate didaktiko berri bat da eta enplegu bilaketan Internet-ek eskaintzen dituen bide eta aukera berriak baliatu nahi ditu. Unitate hau hurrengo ikasturtean ikasgelan integratuko da.
Bigarrenean, Laneko Arriskuen Prebentzioa zikloan konpetentzia digitalen garapen integratua proiektuan, ikasleen gaitasun digitalak hobetu nahi dira, IKT eremuan ematen ari diren eta emango diren aldaketa teknologikoetara ahalik eta ondoen egokitu daitezen.
